Ástjarnarsöngurinn

Ef það gengur ekki að prenta þessa síðu út þá er
hér PDF skjal (þarfnast forritsins AcrobatReader).
AcrobatReader forritið frá Adobe er ókeypis og hægt er að ná í það hér.

Við Ástjörn er yndi og unað að fá,
umhverfið laðar með fjöllin sín blá.
Og fuglarnir glaðir þar kvaka á kvist,
þeir kveða´ um Guðs handleiðslu síðast og fyrst.

Við Ástjörn er fegurð og friður og ró,
við förum á göngu´ um hinn laufprúða skóg.
Og hjartað af fögnuði fyllist við það
að finna Guðs nálægð á sérhverjum stað.

Ástjörn, ó, Ástjörn, við unum hjá þér,
og aldrei þín minning úr hug okkar fer.
Er vetrarins hörkur og vindar oss þjá
vorblíðu njótum í anda þér hjá.

Textann við Ástjarnarsönginn gerði Pétur Jónsson (faðir Boga Péturssonar)
og lagið gerði Jón Hilmar Magnússon (faðir Árna og Magnúsar).